元朗形點II YOHO MALL II 停車場

"6米高向日葵巨塔+會場限定曬黑系列+獨家相機盲盒🌻 Sanrio粉絲注意!Kuromi､My Melody同My Sweet Piano組成｢小麥肌旅行團｣,首度以健康古銅肌膚色同陽光度假造型現身YOHO MALL!7月11日至8月30日,一齊展開夏日冒險! 📸 兩大商場打卡點: YOHO MALL I有6米高｢My Melody風信向日葵巨塔｣､｢Kuromi秘境湖畔｣､｢My Sweet Piano音符天地｣等7大場景;YOHO MALL II則以｢馬灣1868｣為靈感,設有彩虹村莊､壁畫牆等打卡位｡ 🛍️ 期間限定店:逾200款周邊,包括50多款全港首發｢曬黑系列｣精品! 🎁 消費換領:8月起消費滿指定金額可換｢小麥肌旅行團 – 閨蜜相機盲盒｣(共4款),仲有手帕､手撥扇等限量精品! 🤩 粉絲見面會:8月15日YOHO MALL I中庭舉行,My Sweet Piano首度來港!詳情留意官方公佈｡ Sanrio小麥肌旅行團:即日起至8月30日|YOHO MALL I 中庭､YOHO MALL II 中庭､YOHO MIX､YOHO PLUS 💡溫馨提示:曬黑系列同相機盲盒數量有限,粉絲們記得早啲到場! YOHO MALL Sanrio HK Sanrio Gift Gate HK #SanrioCharactersXYOHO #小麥肌旅行團 #小麥肌閨蜜"

"✎ ̼煙三文魚蟹肉熱香餅 HKD105 熱香餅很有驚喜，是有厚度及鬆軟口感， 配上煙三文魚、蟹肉和牛油果蓉， 味道豐富又不會過膩，好喜歡๑˃̶͈̀Ⱉ˂̶͈́๑ ✎ ̼粉紅吞拿魚貓耳朵粉 HKD112 少女心十足的賣相，用上火龍果忌廉醬製成， 吞拿魚入口有點乾身，而貓耳朵則很軟韌， 整體飽肚而味道清淡ᵔ︡⌔ᵔ︠ 。 ✎ ̼藍莓希臘乳酪梳乎厘 HKD125 藍莓醬酸酸甜甜，淋上空氣感十足的梳乎厘， 味道是很開胃，一點膩的感覺都沒有， 個人非常喜歡這個配搭，十分推薦(๑´ڡ`๑) ✎ ̼黑糖鮮奶咖啡（熱）HKD48 本來想點抹茶牛奶，怎知賣完˃̣̣̥᷄⌓˂̣̣̥᷅ 唯有點咖啡，好在也不錯， 尤其喜歡加上一層朱力粉的忌廉~ ✎ ̼蜜瓜在沙冰降溫時 HKD68 賣相打卡一流，配上兩片密瓜肉， 喝起來清新有果香，中間還有一層忌廉， 更有層次感ʕっ˘ڡ˘ςʔ ‧̍̊˙· 𓆝.° ｡˚𓆛˚｡ °.𓆞 ·˙‧̍̊ ‧̍̊˙· 𓆝.° ｡˚𓆛˚｡ °.𓆞 ·˙‧̍̊ 𖤣𖤥𖠿 PHI Coffee & Pancake 𖤘 元朗朗日路8號形點 II L3樓A315b號舖"

"(๑･̑◡･̑๑)特色甜品打卡cafe 約左朋友去yoho買野，搵左呢間新開既café試下。門口設計都幾特別，好有格調。入面座位雖然唔多，不過都坐得幾舒服。 🔅燒雞脾佐京都辣汁加稻庭烏冬 ($108+$28) 同朋友主要想試甜品所以淨係叫左一個main同加左個烏冬就算。烏冬雖然唔算大碗不過食落都唔錯，幾煙韌。雞脾燒完個皮好香脆，本身調味唔算濃，而京都辣汁都唔算好辣，所以加埋就啱啱好。沙律菜都幾新鮮，份量都多，唔錯。 🔅粟米片炸雞佐黑松露他他醬 (set+$59) 炸雞炸得好香脆，熱辣辣，唔算好油，點左醬唔會好膩。 🔅芒果糯米炸彈蛋糕 ($88) 呢個甜品俾我切到好肉酸😂，打唔到卡。可能睇得唔清楚入面係咩，簡單介紹就係芒果肉同有2粒麻糬。鐘意佢既麻糬好煙韌唔會軟腍腍，有咬口👍🏻，芒果肉都唔會酸。旁邊既凍乾椰子乾碎都幾特別，好有心思。 🔅Affogato - The Choc ($78) 因為軟雪糕係招牌甜品之一，所以揀左個可可味。以為杯朱古力會好甜，加埋雪糕落去實甜死，但佢個軟雪糕本身味道唔算濃，所以但我同朋友都覺得加埋熱朱古力甜度啱啱好。朱古力唔算好熱，所以又唔會倒完落去雪糕溶晒咁可惜💛，推薦鐘意朱古力既朋友試！ 🔅熱葡萄烏龍綠茶 (set) 茶味都幾香，staff有提大約3-5分鐘倒出黎會好啲。想飲濃啲建議5分鐘先倒。葡萄味聞落好清香😚，令平時烏龍特有既味無咁濃，唔會好澀。同埋綠茶食完熱氣野飲完會自我感覺良好，無咁熱氣😂。 💬Staff都係偏後生，好nice，收碟都算快。定價雖然唔平，但甜品例如Affogato真係幾出色，有機會會想試埋其他🤤！ 🥢One & A Half 📍元朗元龍街9號形點1期2樓2058號舖 ☎️2388 6661 ⏰星期一至日 11:30-22:00"

"形點一期二期， 商場面積非常之大， 商店林立， 佈置舒適寬敞， 室外設有三個佈置精美的小型公園， 商店以中價商品為主， 食店亦都非常之多， 商場亦設有停車場優惠， 亦在屯馬綫元朗站出口直達，交通非常便利， 真係值得一去。"

"為左蘋果炸彈雪糕而來 去左one&a half 餐廳 1️⃣午市套餐(頭盤x1+主菜x2) HKD138 頭盤: 唐揚炸雞 主食: 香煎鱸魚佐京都汁、有馬山椒雞扒 +HKD12 配醬油漬蛋飯 2️⃣蘋果批炸彈蛋糕 HKD78 3️⃣單點醬油漬蛋飯 HKD28 . 味道 ★ ★ ★ ★ ☆ 本身想食炸飯團、火山肉燥丼全部都冇，中午只有lunch set🤦🏼‍♀️ 因為想留肚食甜品，所以只係叫左一個lunch set(主食x2)再單點加碗醬油漬蛋飯，兩個人食係夠飽既。 頭盤都有5樣野選擇「秋葵沙律、鰻魚飯玉子卷、大根、煙三文魚蘆薈沙律、唐揚炸雞」。 我地係閒日去，1pm落單個陣頭盤得返大根、煙三文魚蘆薈沙律、唐揚炸雞揀🤦🏼‍♀️ 最後揀左炸雞。都幾好食嘅，啲雞嫩滑唔硬。 主食有6樣野選擇「紅酒炆牛肉、有馬山椒雞扒、鱸魚佐京都汁、芽菜生薑豚肉、牛油煎帶子、吉列大蝦」。 我地揀左魚同雞扒。魚煎得好好，魚皮都係脆，去哂骨，沈左啲七味粉，微辣香口，不過唔覺得有京都汁😂 雞扒都滑，有粒粒山椒，但味道唔係話好重。 跟餐配粟米湯，有啲鹹，麻麻地。加12蚊可由白飯轉醬油漬蛋飯，幾好食。 蘋果批炸彈蛋糕係重點😋 的確係唔錯既，怪唔之得網上咁多好評，佢係雪糕面、果肉心，出邊係雲呢拿雪糕，入邊係蘋果蓉，甜甜地酸味味，食落唔會好膩。如果佢啲蘋果蓉係暖暖地，出邊外層凍，入邊流心同暖，層次口感就會更加豐富。 . 環境 ★ ★ ★ ☆ ☆ 裝修冇特別，唔覺有特別打卡位，可以坐出面白鷺公園既户外座。佢d枱係half round table，又可以變完整round table ，同logo一樣one and a half，呢樣應該係花左d心思。 . 服務 ★ ☆ ☆ ☆ ☆ 可能係新開，見到有啲樓面員工都唔熟手，得個阿姐同一個後生女A有經驗，另外一個後生女B同後生仔都好似好Fresh。 本來我哋問後生女B拎兩杯水，佢好細心裝咗熱水然後去溝凍水，俾咗兩杯暖水我哋，我哋覺得好貼心，嗰陣對呢間餐廳加咗分。 我哋叫佢上甜品，佢唔知有冇同負責職員講，我哋等咗四個字都未有。 然後我哋叫後生女A上甜品，感覺佢大粒啲，有經驗啲，同埋叫佢幫我哋執拾枱面，可能因為佢要負責出邊安排座位嘅事情，佢就叫隔離後生仔幫我哋執，個後生仔正正喺我哋後面，未有嘢做，見到我哋張枱，但係當刻冇做，隔咗5至10分鐘先幫我哋執🤷🏼‍♀️ 後生女B其實見到我哋已經食晒野，但係又唔幫我哋執枱，重點係我地已經叫佢上甜品，其實佢可以幫我哋清理下先🤷🏼‍♀️但佢就企喺個出菜位度等出菜🤷🏼‍♀️佢哋店員好似係冇分邊個執枱、邊個出菜，所以我哋唔明點解叫咗都冇人做 因為我哋正正坐喺出菜收餐個位置附近 當時餐廳都唔算話好多人，所以我地覺得啲店員冇跟進，扣咗分👎如果在等好耐都未有甜品，我哋會直接cut單🤦🏼‍♀️ . 價錢 ★ ★ ★ ☆ ☆ 食物係ok，如果行開元朗可以試吓，唔使特登入嚟食嘅。"