博愛醫院 Pok Oi Hospital 停車場

"原來在元朗鐵路站步行過嚟只係十分鐘之內👌非常方便，但要懂得步行路線👣😆起初在Yoho商場內找出口方向，在巴士站外跟路牌指示方向走了一圈🙄結果返回了起點？😳🙈🙉😂第一次👣浪費了十多分鐘😓 十分鐘...係由鐵路站"H"出口側有樓梯轉落去一條直路...跟懸空鐵路線平衡，步行期間沿途會經過元朗市東社區會堂，繼續向前行到盡頭左轉穿過行人隧道就見到充滿色彩可愛嘅指示路牌😍💟🌈🌈👍跟著走就會見到醫院在眼前👀🏥🙏🏻感恩遇上的護士姑娘、工作人員都很友善，有禮貌😃👍"

"經過今次心臟衰竭入深切治療部，覺得香港醫護真係世一。 最初自己都未意識到情況咁嚴重，因為心悸呼吸越嚟越困難去急症室，分流站護士只係聽咗講幾句病徵檢查到我甲狀腺亢進病歷，二話不說立刻安排心電圖檢查及輪椅後即刻推入急救房，冇分流站護士嘅瞬間判斷能力，都未必及時得到適當治療。（由分流站到安排心電圖準備去急救房，彷彿不到2-3分鐘） 入到急救房起初都可以自行過床，但瞓低一陣自己感覺到越嚟越辛苦呼吸越嚟越喘心口越嚟越唔舒服，甚至諗會唔會就咁玩完。意識、精神狀態漸差，淨係聽到patient 冧BP、同見到身邊多個醫護同一個女醫生忙碌咁圍繞一個病人身邊。到注射多款藥物後情況暫時穩定落嚟，女醫生走嚟幫手抺我滿頭滿身嘅汗仲有啲擔心咁同我講突然咁俾你嚇襯（其他醫護人員仲即刻同我換衫），呢一刻真係覺得香港醫護人員好重視我哋每一條人命。 急救完後雖然身體嘅不適得到舒緩，但狀況都反覆都不時心悸呼吸困難，甚至瞓低休息都喘氣不斷。當日係復活節假期護士都即刻打電話俾心臟科醫生，而放假嘅醫生都好快返到醫院，醫生睇完報告病歷後好快已經判斷到我係心臟衰竭仲即刻安排落深切治療部。（香港醫生、護士就算幾忙都好病人嘅生命安全佢哋都擺第一位，反之因工作生活內地嘅朋友話如果冇買社保，你唔擺低錢都唔會醫你嘅內地醫療係兩個世界。） 落到深切治療部，醫護更加令你覺得香港醫護係專業、細心、主動。每一個醫護無論年青、有經驗，除咗履行自己職責之外佢哋會主動關顧病人其他需要，不時問你有冇唔舒服、要唔要呢樣嗰樣除咗身體狀況每個職員都好關心你有乜嘢需要（見我太太用普通布抺身，即刻攞座暖咗嘅即棄抺身布俾我地），有位姓蕭嘅男護仲成日傾計分享啲專業健康資訊俾我。無論各個性格嘅醫護（有活潑可愛、緊張認真、盡責（剛中完COVID幾日就回崗位）、成熟、溫柔）佢哋除咗職責之外，好睇得出對工作嘅初心照顧好每個病人，離開深切治療部嗰一刻活潑可愛嘅女護士仲要幫手帶口罩同講句身體健康，真係好窩心。 香港醫護，特別係博愛醫院嘅醫護好令人Respect ，專業、具備瞬間嘅準確判斷力之外，更更加感受到佢哋對病人嘅關顧。唔係單單打份工嘅作態度，佢哋好有幫助病人嘅心。"

"由Yoho 元朗站 行出去博愛醫院，有3個方法，條條路都可以去到，問題係真係行好遠，其間 冇瓦遮頭日曬雨林，行單車徑，夏天熱起上嚟都真係幾辛苦。 呢間醫院真係好唔方便。 如果推輪椅嗰啲仲大鑊，經商場行會比較好， 根據地鐵站指示，由H 出口落呢，就要經過一段樓梯， 直行到尾， 轉左有條隧道 ，再轉右， 先至會搵到條單車徑， 穿過條單車徑，直行就會見到馬路 。仲要上多層樓梯， 先至可以搵到正門入口。 一般人我諗相信都要行起碼十至十五分鐘。 有急事喺上嚟 真係病嘅 一定要搭的士。唔建議行過黎。除非身體健康。 唔係講笑，唔病，行到過嚟，都病病哋有啲暈。 辛苦哂一班選擇黎博愛醫院工作的醫護人員及工作者。 有得選擇的話，誰不想在工作環境較好，地區交通方便點去上班？ 真係感謝這裡工作的人們，你們太辛苦了。加油。 沒有使命感的話，要行這段路，根本真的不易。 最後有條比較舒服少少的路線行過黎，必須係在商場裡面的電梯落，就係一田與電影院之間有部電梯位置，可以落到巴士站，呢個方法可以減少日灑雨淋的路段。但去到單車徑位置之後，仍然要接受陽光挑戰。"

"呀公呀婆都係在博愛醫院走，所以因為咁個印象麻麻。太耐無去因我呀姨中暑救護車🚑入嚟。發覺急症室咁忙但醫護人員都好細心專業對每個病人。醫院地方算大而且好新👍👍👍"

"元朗去元朗博愛，只有609小巴去到！ 609S不去博愛醫院"