大埔白鷺湖互動中心停車場 (Lake House 小白鷺餐廳)

"📍 Billow- 大埔 今日黎到呢間會令人心情變好的餐廳🍴 而且依度嘅店員都好有愛心會自發性喂附近嘅流浪貓🐱喺餐廳外面已經有食物兜同埋水兜。 感覺都特別幸福🩷 餐廳內外嘅環境都好舒服特別寧靜～ 餐廳內仲設有停車場🚗位置都好多，完全擔心少一個泊車問題👍 夜晚有浪漫感，日頭嚟可以清晰望晒成個餐廳！ 行去對面，就望到全景了。食飽飽，當散步🫶🏻 餐廳餐牌方面咩都有，前菜到甜品都好多選擇｜ 食到飽～ ✨ 酥皮忌廉蘑菇湯.焗大啡菇🍄‍🟫 輕輕搗碎香脆的酥皮，濃郁的蘑菇味就立即湧上。忌廉湯有大量蘑菇碎，忌廉比例好多，濃郁度極點👍 ✨ 番茄醬手工長通粉.小牛腸．煙燻茄子 配料非常簡單，主要有蕃茄醬同小牛腸．煙燻茄子 蕃茄醬帶辣味 長通粉食落有蛋香•有咬口長通粉 由內至外都沾滿蕃茄醬，咀嚼下辣味會慢慢滲出🫶🏻 ✨ 美國牛柳（6oz）拼鵝肝配燒汁.烤蘆筍 5成熟既牛柳，切開都唔會好生或者血淋淋，呈現嫩粉紅色，肉質較結實，脂肪同肉汁相對上都較少。雖然都有牛味，但牛膻味較清新，無咁重口味🐮 鵝肝飽滿肥美，將佢燒到微燶，creamy嘅口感配牛柳，令牛香味更突岀！配燒汁中和油膩感～ 反而想特別讚吓佢嘅配菜，薯蓉勁淋身又入味，食完又唔會黐牙，烤蘆筍係我最愛🩷 ✨ 唐揚炸雞．蒜泥蛋黄醬~勁有驚喜，第一啖食落去已經感覺油膩，炸雞炸到皮脆，內Juicy，但係有少少鹹，不過加咗蒜泥蛋黄醬，就中和番炸雞味～ ✨ 白咖啡～咖啡很濃郁 ，幾重口感順滑濃厚 奶泡很綿☕️ ✨ 綠茶鮮奶～抹茶味好濃加埋熱鮮奶🥛口感好creamy🍵"

"8/2/2026，中午過來，慶祝家人生日，一早預約左。 未入去已經見到大大隻熊熊係出面，可以打卡。旁邊仲有花擋賣花，好靚，買左，走先拎。 一入去職員招呼左我哋坐窗邊，對住個湖景食野。 食物款式都算多，沙拉、前菜、湯、pizza、意粉、意大利飯、甜品。 啲野食未來之前已經有一籃自家製麵包，有勁多芝麻嘅餐包，似法包嘅白色包（但一啲都唔硬、有咬口之餘有微微鬆軟），有另一種淺橙色法包、有啲香料加左落去、食落味道比白色個款再有層次啲。加牛油食油脂豐富啲無咁乾。估唔到麵包幾好味，食唔晒都忍唔住要打包返去食埋。 牛油果粟米片酸忌廉蕃茄莎莎，呢啲款真係出街食好味好多，牛油果夠多加埋啲醬熱熱哋配粟米片好味、要點少少碎辣椒會更出味。 白酒煮蜆好好味，蜆好卜卜又好大隻，無沙，有蜆嘅鮮味，見每檯都有嗌。 煎鵝肝幾好味、少少濃味，個汁調教得幾好，唔算好膩。 牛柳配鵝肝，嗌左5成熟，切開係熟過5成嘅，不過唔算太過份、可以接受嘅，見肉汁都有，而且牛柳來講厚得來唔鞋、煎嘅火候算係好。薯蓉都滑。 墨汁意大利飯，個飯好好味、有墨汁個個微微嘅海鮮味，飯都有啲咬口嘅，不過唔係個種生熟生熟嘅質感，係有啲偏向燉飯，無咁生米感嘅意大利飯。應該係迎合返香港有人食唔慣嘅口味，但其實我比較鍾意有生米感，不過個味道係好好。炸魷魚就有啲熟得滯，如果唔炸可能好啲。 本身想嗌甜品，最後都係食帶來嘅生日蛋糕，切餅費80。 食物質素估唔到係中上以上，可以再來。 職員都好幫手，會幫忙影下相。 走個陣仲去左對面買有機蔬果，雖然款唔多，但都高質，檔主仲畀我哋試食先買。 店外面仲有啲貓貓好chill咁行來行去，可愛。"

"係大埔墟搭的士去約$45 ，10分鐘左右到，慶祝屋企人生日，餐廳內外都非常乾淨，環境清幽，食物方面都合理，唯獨頭盤三文魚芒果前菜忘記左整，最好才到。 另外付費參觀花園$40/人和付費船仔活動$160/30分鐘都非常開心，當日天氣陰涼 。 食左牛扒，羊架，三文魚，意粉，叫左幾杯飲品，$1700"

"很喜歡來下午茶😍有位泊車～又坐得舒服～"

"好服務，有免費停車場，環境不錯，食物正常。只係希望唔好招待十歲以下小朋友，家長唔教好可怕，由得啲小朋友係餐廳踩單車，好荒謬。"