馬鞍山 We Go Mall 停車場

"假日留港消費，專登入黎玩黎百田遊園，到場先知原來有egg hunts ，買大滿貫（2小時）仲送額外送另外playhouse 半小時，商場部份食店仲有優惠（兒童餐減左$30） 。 （唔知個優惠去到幾時，真心覺得好抵玩。） 小朋友有小禮物同氣球。 玩得非常開心！ 職員非常好，玩船玩車都有照顧！ 仲有keep住清潔！ 希望香港keep住呢d有人情味既地方。"

"百田遊園comment 十分差的體驗….. 比$140……半個鐘走人…… 最後想玩車 6:35就話收場唔比人玩😤😤😤有冇搞錯…….我只係行開一陣等其他小朋友玩完姐…….. 比佢隻船呃左……船係二樓….車係地面….要人行上行落玩😓 裡面既遊玩設施十分求其無誠意………你去過就明………."

"位置上這商場偏遠，離恆安站約10至15分鐘路程。只有數架巴士經過（85K或810），以及來往新港城的Shuttle Bus（要注意時間，都幾疏下） 最近商場做Promotion，由2019年12月23日至2020年1月8日，有兩款全日通，包一大一小。第一款是$130 - 只包任玩彈彈床；以及是$190 - 包任玩彈彈床及電動車。如果買$130，電動車可另購，$40/10分鐘。如果加多個成人入內，需收費$60。 今日我地係$190果款，詳情見圖。吹氣彈床分3個，一個係淨彈彈床，一個係彈床 + 細滑梯，另一個係大滑梯彈床。我囡囡怕人多，所以大滑梯彈床就無乜玩。 在場內仲有一個硬膠滑梯及一個小型滑梯。除滑梯外，有少小小的波波池（波波真心唔多，如果想玩波波池最好不帶冀望），有小小的大積木區及以及煮飯仔及lego的小corner，不過真係唔大，但人都多，商場真係需要考慮擴充下個位，不少女孩子都有興趣。需要小朋友自律執玩具，但有些小朋友的自律性真心🙈，最慘連家長都唔理，真係唔知佢竾平時點教仔。建議商場長駐職員監察情況，本人今日都幫手執左三次。 1/F有休息區，有椅子及少量枱。可惜今日被菲傭佔據一半位置。另G/F及1/F有餐廳。1/F在電動車場外果間有兒童餐供應，下午茶到1800。我今日1730去食，食一個牛扒晚餐，一個鷄脾薯條下午茶，及一個兒童餐，埋單$169。可惜攰到忘記了影相。 By the way，商場4/F仲有間Playhouse，Whizbo Kids Cafe，收費見內圖。 另外，商場3/F仲有Poli遊戲車（冒險樂園果款），只需$6/次，比樂園抵🤣 同層有百佳，可買飲料。"

"人流偏少的商場，主要是滿足附近屋苑的購物須要，平日中午時間到來，場內所有餐廳都有空位，在這裡搵食唔使排隊也不用同人迫，是這商場一大優點。"

"5月5日已開業。 商場好大地方好靚 商舖得幾間開業。 大部分地方都係吉位 放些兒童遊玩野就當設施。 一間大集團連鎖式快餐店都冇。 重少嘢個石門。 租務部嗰班人真係有冇做嘢。"